अर्थ

बगानबाटै १५ लाख रुपैयाँ बराबरको रुद्राक्ष चोरी
SHARES

असोज १८, २०७६

    संखुवासभा : संखुवासभाको खाँदबारी नगरपालिका–३ मा बोटबाटै १५ लाख बढी रुद्राक्ष दाना चोरी भएको छ। गएराति खाँदबारी–३ सार्के गाउँमा १५ लाख बढीको रुद्राक्षको दाना चोरी भएको हो।

    अज्ञात समूहले रातको समयमा १५ लाख बढीको रुद्राक्ष चोरी गरेको पीडित देवराज पुरीले बताए। रुद्राक्षको एउटैबोट लाखौं मूल्यमा किनबेच हुने गरेको छ। अज्ञात समूहले कृषक झलक बुढाथोकीले दुई वर्षका लागि देवराज पुरी र रमेश भण्डारीलाई १५ लाखमा ठेक्का दिएको रुद्राक्ष बोटको हाँगा काटेर चोरी भएको छ।

    १५ लाख बढी पर्ने रुद्राक्षको बोटको हाँगा काटेर सबै दाना टिपेर लगेको पिडीत देवराज पुरीले बताए। पुरीले भने 'हामी दशैंअघि नै टिप्ने तयारी हुँदा/नहुँदै चोरी भएछ।' रुद्राक्षको राजधानी मानिने भोजपुर र संखुवासभामा पछिल्लो समय चोरीको घटना तीब्र भएको छ।

    अहिले संखुवासभाको पाँचखपन नगरपालिका, चिचिला गाउँपालिका, खाँदबारी नगरपालिका र भोजपुरको षडानन्द नगरपालिको कुदकाउले र देउरालीबाट चार करोड बढीको रुद्राक्षको चोरी भएको छ।

    पछिल्लो समय रुद्राक्षको व्यापारमा वृद्धि भएसँगै चोरी र लुटपाटको घटनामा वृद्धि हुन थालेको छ। भोजपुरको षडानन्द नगरपालिका-२ कुदकाउलेबाट दुई करोड बढीको रुद्राक्ष बोटबाटै लुटपाट भएको घटना सेलाउन नपाउँदै संखुवासभाको पाँचखपन, चिचिला र खाँदबारीबाट लाखौँको रुद्राक्ष चोरी भएको हो।

भविन कार्की

कार्की थाहा खबरका संखुवासभा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]