अर्थ

सरकारले तोक्यो विजुलीको खरिद दर : प्रति युनिट ५ देखि १२ रुपैयाँसम्म
SHARES

पुस २५, २०७३

    काठमाडौं : सरकारले जलासय र अर्ध जलासययुक्त जलविद्युत आयोजनाबाट उत्पादित विजुलीको खरिददर (पीपीए) १२ रुपैयाँ ४० पैसा निर्धारण गरेको छ। उर्जा मन्त्रालयले आयोजनाको प्रकृति हेरी जलासय र अर्ध जलासययुक्त आयोजनाको पीपीए दर ७ रुपैयाँ १० पैसा देखि १२ रुपैयाँ ४० पैसासम्म निर्धारण गरेको हो। 

    उर्जा मन्त्री जनार्दन शर्माका अनुसार हिउँद याममा उत्पादित विजुलीको खरिददर महंगो राखिएको छ भने वर्षायामको सस्तो छ। जलासय आयोजनालाई मंसिर १५ देखि जेठ १६ सम्मका लागि प्रतियुनिट १२.४० रुपैयाँ र जेठ १५ देखि मंसिर १६ सम्मका लागि प्रतियुनिट ७ रुपैयाँ १० पैसा निर्धारण गरिएको छ।

    त्यस्तै अर्धजलासय आयोजनालाई मंसिर १५ देखि जेठ १६ सम्म पिक आवरमा १०.५५ र नन पिक आवर ८.४० रुपैयाँ तोकिएको छ। अर्ध जलासय आयोजनामा जेठ १६ देखि मंसिर १५ सम्मको खरिद दर भने ४ रुपैयाँ ८० पैसा तोकिएको छ। नदी बहावमा आधारित आयोजनाहरुको मूल्य पुसदेखि चैतसम्म ८.४० रुपैयाँ, र बैशाखदेखि मंसिरसम्म ४.८० रुपैयाँ तोकेको छ। सरकारले यो दरबाट निजी क्षेत्र जलविद्युत उत्पादनमा आकर्षित हुने विश्वास लिएको मन्त्री शर्माले बताए। 

    जलासय आयोजनाका लागानीकर्तालाई १७ प्रतिशत प्रतिफल प्राप्त हुने गरी यो दर निर्धारण गरिएको उर्जामन्त्री जनार्दन शर्माले बताए। मन्त्री शर्माले आवश्‍यक परेमा दरमा परिमार्जन गर्न सकिने समेत बताए। 'सरोकारवालासँग राय मागेका छौँ, यसमा पछि आवश्यक भए दरमा परिमार्जन पनि हुन सक्छ' मन्त्री शर्माले भने।

    पीपीए दर निर्धारणको लागि उर्जा मन्त्रालयले मन्त्रालयका सहसचिव चिरञ्जीवि चटौतको संयोजकत्वमा गठन भएको समिति गठन गरेको थियो।  चटौतको संयोजकत्वमा गठन भएको समितले सिफारिस गरिएको प्रतिवेदनको आधारमा मूल्य निधारण गरिएको हो।

भागवत भट्टराई

भागवत भट्टराई आर्थिक विषयमा रिपोर्टिङ गर्छन्। 

@BhagwatBhattrai

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]