रामेछाप : रामेछापमा ट्रिपर दुर्घटना हुँदा एकजनाको मृत्यु भएको छ।
ना १ ञ ५७ नम्बरको ट्रिपर रामेछापको सदरमुकाम मन्थलीमा दुर्घटना हुँदा सहचालक सिन्धुली भद्रकालीका रमेश बम्जनको मृत्यु भएको हो।
बुधबार बिहान भएको दुर्घटनामा ३ जना घाइते भएको जिल्ला प्रहरी कार्यालय रामेछापले जनाएको छ।
दुर्घटनामा गम्भीर घाइते भएका चालक रमेश घिमिरेलाई उपचारका लागि काठमाडौं पठाइएको छ। अरू २ जनाको रामेछापमै उपचार भइरहेको छ।
दुर्घटना सहचालकका कारण भएको प्रहरीले जनाएको छ।
तपाईंको ईमेल गोप्य राखिनेछ ।