राजनीति

पुनर्निर्माण प्राधिकरणका सिइओ ज्ञवाली बर्खास्त, डा. गोविन्द पोखरेल नयाँ सिइओ नियुक्त
SHARES

फोटो : bbc.com र india.com
पुस २७, २०७३

    काठमाडौं : सरकारले राष्ट्रिय पुनर्निर्माण प्राधिकरणका प्रमुख कार्यकारी अधिकृत (सिइओ) सुशील ज्ञवालीलाई बर्खास्त गरेको छ। बुधबार बिहान बसेको मन्त्रिपरिषदको बैठकले ज्ञवालीलाई बर्खास्त गर्ने निर्णय गरेको हो। 

    दुईपटकसम्म स्पष्टीकरण सोधे पनि चित्तबुझ्दो जवाफ नदिएको र प्रभावकारी कार्यसम्पादन गर्न नसकेकोले ज्ञवालीलाई बर्खास्त गरिएको सरकारका प्रवक्ता एवं सूचना तथा सञ्चारमन्त्री राम कार्कीले जानकारी दिए। 

    मन्त्रिपरिषद् बैठकले प्राधिकरणको सिइओमा डा. गोविन्द पोखरेललाई नियुक्त गरेको सञ्चारमन्त्री कार्कीले बताए। पोखरेल राष्ट्रिय योजना आयोगका पूर्व उपाध्यक्ष हुन्। 

    २०७२ साउन २८ गते पुनर्निर्माण प्राधिकरणको सिओओ नियुक्त भएका पोखरेल तत्कालीन सरकारले विधेयक पास गर्न नसक्दा प्राधिकरण खारेज भएपछि बाहिरिएका थिए।  

    ज्ञवालीको जवाफ

    सरकारले सोधेको स्पष्टिकरणको जवाफ दिँदै ज्ञवालीले सामान्य प्रशासन मन्त्रालयले जनशक्ति उपलब्ध गराउन सहयोग नगरेको र अर्थ मन्त्रालयले समयमा बजेट उपलब्ध नगराउँदा भूकम्पपछिको पुनर्निर्माणमा ढिलाइ भएको उल्लेख गरेका थिए।

    सरकारले पुस १४ गते ज्ञवालीको कार्य शैलीमाथि प्रश्न उठाउँदै ७ दिन भित्र स्पष्टिकरण दिन पत्राचार गरेको थियो। 

    ज्ञवालीलाई केपी ओली नेतृत्वको सरकारले प्रमुख कार्यकारी अधिकृतमा नियुक्त गरेको थियो।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]