मनोरञ्जन

देउवाको नाम जोडेपछि विवादमा आसिफ र 'घामड शेरे'
SHARES

माफी मागे तर फिल्म रोक्न नेविसंघको उर्दी

कात्तिक १७, २०७६

    काठमाडौं : प्रमुख प्रतिपक्षी दल नेपाली कांग्रेसका सभापति शेरबहादुर देउवाको पार्टी कार्यालयमा खिचिएको आक्रोशित मुद्राको फोटो चलचित्र 'घामड शेरे' को पोस्टरसँगै जोडेपछि निर्देशक आसिफ शाह विवादमा फसेका छन्। 

    यही शनिबारबाट रिलिज हुन लागेको ‘घामड शेरे’चलचित्रको पोस्टरसँगै जोडेर कलाकारसमेत रहेका शाहले शुक्रबार एउटा फेसबुक पोस्ट गरेपछि शाह कांग्रेसको कार्यकर्ताको तारो बनेका हुन्। 

    शाहको उक्त पोष्टलाई लिएर कांग्रेसका भ्रातृ संगठन नेविसंघ र तरुण दलले कडा आपत्ति जनाएका थिए। उनीहरुले शाहले सार्वजनिक रुपमा माफी माग्‍नु पर्ने भन्दै विरोध गरिहेका छन्। 

    शाहले देउवाको फोटो जोडेर कुनै व्यक्ति या संगठनलाई अपमानित गर्न नखोजेको भनेर माफी मागिसक्दा पनि नेविसंघका कार्यकर्ताहरुले सुदूरपश्चिममा 'घामड शेरे' फिल्म नै चल्न नदिने उर्दी जारी गरेका हुन्। 

    उनीहरुले आफ्ना सभापतिको अपमान गरेको भन्दै ‘घामड शेरे’ चलचित्रलाई देउवाको गृहप्रदेशमा चल्न नदिने चेतावनी र उर्दी जारी गरेका हुन्।

    तर शाहले उक्त पोस्टबारेमा सार्वजनिकरुपमा माफी नै मागिसकेका छन्। 'कुनै व्यक्ति या संस्थाप्रति चोट पुर्‍याउने मेरो उद्धेश्य होइन', उनले भनेका छन्, 'र, कुनै पनि राजनीति दलमा आवद्ध नरेको पनि जानकारी गराउन चहान्छु। मैले केबल ठट्टा मात्रै गरेको हुँ। यदि मेरो कारण चोट पुगेको भए मेरोतर्फबाट क्षमायाचना स्वीकार गरिदिनुस्।'

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]