समाज : सुरक्षा/अपराध

प्रहरी चौकीमा बम विष्फोट : एक भारतीय नागरिक पक्राउ, प्रहरी जवान घाइते

फाइल तस्विर
कात्तिक २६, २०७६

    रौतहट : रौतहटको एक प्रहरी चौकीमा बम विष्फोट भएको छ। जिल्लाको इशनाथ नगरपालिकास्थित मठिया प्रहरी चौकीमा विष्फोट भएको जिल्ला प्रहरी कार्यालय रौतहटले जानकारी दिएको छ।

    घटनामा एक प्रहरी जवान रञ्जित यादव घाइते भएका जिल्ला प्रहरी कार्यालय रौतहटका प्रहरी प्रमुख एसपी भुपेन्द्र खत्रीले बताए। सेन्ट्री पोस्टमा बसेका यादव बम प्रहारबाट घाइते भएका हुन्। प्रहरीले बम प्रहार गर्ने भारतीय नागरिकलाई पक्राउ गरेको छ।

    पक्राउ पर्नेमा भारत बिहारको ढाका भन्ने स्थानका चन्दनकुमार छन्। उनले प्रयोग गरेको बीआर०५एच६५०९ नम्बरको मोटरसाइकल पनि प्रहरीले नियन्त्रणमा लिएको रौतहट प्रहरीले जनाएको छ।

    मठिया चौकी नेपाल-भारत सीमा क्षेत्रमा पर्दछ। घटनाको क्षतिबारे जानकारी लिनका लागि प्रहरी निरीक्षक खगेन्द्र धमलाको नेतृत्वको टोली घटनास्थलतर्फ गएको प्रहरी प्रमुख एसपी खत्रीले बताए।

रमेश तिमल्सिना

तिमल्सिना थाहा खबरका रौतहट समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]