समाज

निजगढका होटलको अनुगमन र वर्गीकरण

मंसिर १४, २०७६

    बारा : खाद्य प्रविधि तथा गुण नियन्त्रण डिभिजन कार्यालय पर्साले बाराको निजगढमा सञ्चालित होटल, क्यान्टिन र रेस्टुरेन्टलाई स्तरीकरणसहित लोगो प्रदान गरेको छ।

    कार्यालयले लोगो वितरणअघि होटल व्यवसायी‚ उद्योग वाणिज्य संघ र निजगढ नगरपालिकाको प्रतिनिधिसहित अनुगमन गरेको थियो। अनुगमन मूल्याङ्कनका आधारमा प्राप्ताङ्कअनुसार लोगो वितरण गरेको हो।

    निजगढमा सञ्चालित तारा ईन, चङ्खे रेष्टुरेन्ट, श्री शुभम गेष्ट हाउस एण्ड होटल, होटल हेवेन, जंगल ईन, पोखरी रिर्सोटले होटलको स्तर ‘ग’पाएका छन्। उनीहरुले सन्तोषजनक लोगोसँगै एक स्टारको मान्यता पाएका छन्। हरियो स्टिकरको लोगो पाएका हुन्।

    त्यस्तै‚ होटल गोल्डेन ट्रेङ्गल, हाईवे फास्ट फूड, हेप्पी किचेन र गुरुङ होटलले होटलको स्तर ‘घ’ पाएका छन्। उनीहरुले ‘सामान्य’ लोगो पाएका छन्। त्यसको संकेत पहेँलो स्टीकर रहेको छ।

    मूल्याङ्कनमा प्राप्ताङ्क ९० भन्दामाथि ल्याएमा अति उत्तम, ८० देखि ९० अंक ल्याएमा उत्तम, ६५ देखि ७९ सम्म ल्याएमा सन्तोषजनक र ५० देखि माथि ६४ सम्म ल्याएमा सामान्य अंकित लोगो पाउने खाद्य प्रविधि तथा गुण नियन्त्रण डिभिजन कार्यालय पर्साका श्रवण कुमार साहले जानकारी दिए। होटल तथा रेष्टुरेन्टको भान्सा, शौचालय, सरसफाई र सेवालाई आधार मानेर मूल्याङ्कन गरिएको छ।

    टोलीमा खाद्य प्रविधि तथा गुण नियन्त्रण डिभिजन कार्यालय पर्साका कार्यालय प्रमुख रत्नकान्त झा, प्राविधिक श्रवण कुमार साह, निजगढ नगरपालिकाका कार्यालयका उमेश प्रसाद चौधरी, बारा उद्योग वाणिज्य संघ निजगढ शाखाका कोषाध्यक्ष रविकुमार बर्तौला, होटल तथा पर्यटन व्यवसायि संघ निजगढ ईकाईका प्रथम उपाध्यक्ष एवं निजगढ बैंन्क्यूटका सञ्चालक रामकृष्ण घिमिरे, मुनलाइट होटलका सञ्चालक हेमलाल गौतम, होटल आयानका उमेश दाहाल, चङ्खे रेष्टुरेन्टका अशोक श्रेष्ठ सहभागी थिए।

    निजगढमा सञ्चालित बाँकी होटलको दोस्रो चरणमा मूल्याङ्कन गरी लोगो प्रदान गर्ने जनाइएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]