काठमाडौं : राष्ट्रिय पुनर्निर्माण प्राधिकरणले आगामी एक वर्षमा धरहराको मुख्य संरचना पुनर्निर्माण गर्ने प्रतिबद्धता व्यक्त गरेको छ।
संघीय संसदको राज्य व्यवस्था तथा सुशासन समितिमा राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले धरहराको पुनर्निर्माण द्रुत रूपमा भइरहेको जानकारी दिँदै आगामी एक वर्षमा मुख्य संरचना पुनर्निर्माण हुने बताए। 'धरहराको पुनर्निर्माण स्पष्ट कार्ययोजना र समय तोकेर गरिरहेका छौं, प्रमुख कार्यकारी अधिकृत ज्ञवालीलेभने 'धरहरा पुनर्निर्माण समयमा नै गर्नेछौं ।'
ज्ञवालीले निर्माणको ठेक्का पाएको जिआइइटिसी–रमन जेभीले एक वर्षदेखि धरहराको पुनर्निर्माण गर्दै आएको बताए। प्राधिकरणले धरहराको मुख्य संरचना आगामी एक वर्षभित्र सम्पन्न गर्ने कार्ययोजना बनाएको छ। समिति सभापति शशी श्रेष्ठले समितिमा पेश गरेको समयअनुसार धरहरा पुनर्निर्माण सम्पन्न गर्ने पुनर्निर्माण प्राधिकरणबाट प्रतिबद्धता आउनु सह्रानीय भन्दै कार्य रूपमा परिणत गर्न निर्देशन दिइन्।
सांसदले धरहरा पुनर्निर्माणलाई सम्पन्न गर्न अनुगमनलाई प्रभावकारी पार्न अनुरोध गर्दै समितिले पनि तीन-तीन महिनामा अनुगमन गर्नुपर्नेमा जोड दिएका थिए। बैठकमा सांसदहरु दिलेन्द्रप्रसाद बडु, नवराज सिलवाल, झपट रावल लगायतले पुनर्निर्माण सन्तोषजनक रूपमा बढेको बताए।
उनीहरूले पुनर्निर्माणमा भएको प्रगतिले आशा बढाएको बताए। 'सुरुमा व्यवस्थापकीय समस्या देखिएको थियो। पछिल्लो समयमा पुनर्निर्माणले गति लिएको छ। यो सन्तोषजनक छ' सांसद बडुलेभने।
तपाईंको ईमेल गोप्य राखिनेछ ।