खेलकुद

१३औँ सागमा कुस्ती : भारतले पहिलो दिनमै जित्यो ४ स्वर्ण

मंसिर २०, २०७६

    जनकपुरधाम : दक्षिण एसियाली खेलकुद (साग) अन्तर्गत शुक्रबारबाट कुस्ती जनकपुरधाममा सुरु भएको छ। पहिलो दिन नै भारतले चार स्वर्ण जित्न सफल भएको छ।

    दुई महिला र दुई पुरुषतर्फ गरी भएको चार प्रतिस्पर्धामा नेपालले एक रजत र तीन कास्य पदक जितेको छ। श्रीलंकाले पनि तीनवटा रजत र एउटा कास्य जिते। तर, बंगलादेश भने पदकविहीन बनेको छ।

    महिलातर्फको ५० किलो तौल समूहमा भारतकी शीतल तोमरले स्वर्ण जित्दा श्रीलंकाकी निरोशानीले रजत र नेपालकी मनिषा सिंहले कास्य जितेकी छन्। महिलातर्फकै ५३ किलो तौल समूहमा भारतकी पिंकी कुमारीले स्वर्ण, नेपालकी शिबानी दुबेले रजत र श्रीलंकाकी समिकाले कास्य जितेकी छन्।

    यस्तै, पुरुष तर्फको ५७ किलो तौल समूहमा भारतका राहुलले स्वर्ण जित्न सफल भएका छन् भने श्रीलंकाका काथोरंगनाले रजत र नेपालका नरेश यादवले कास्य जितेका छन्। पुरुषतर्फकै ६५ किलो तौल समूहमा भारतका अमितले स्वर्ण जितेका छन्। श्रीलंकाका चमाराले रजत र नेपालका सरोज यादवले कास्य पदक जितेका छन्।

    कुस्ती मंसिर २३ गतेसम्म चल्नेछ। कुस्तीको उद्घाटन शुक्रबार मुख्यमन्त्री लालबाबु राउतले गरेका थिए। कुस्ती हेर्नका लागि कबर्ड हल बारि र जानकी मन्दिरमा ठूलो डिजिटल पर्दा राखिएको छ।

सन्तोष यादव

यादव थाहा खबरका धनुषा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]