राजनीति

माओवादी केन्द्रले पुस २३ गते महाधिवेशन गर्ने
SHARES

असार २३, २०७३

    काठमाडौं : नेकपा माओवादी केन्द्रले २०७३ पुस २३ गते महाधिवेशन गर्ने भएको छ।

    पार्टी मुख्यालय पेरिसडाँडामा बसेको केन्द्रको सचिवालय बैठकले पुस २३ गते महाधिवेशन गर्ने निर्णय गरेको माओवादी नेता गोपाल किराँतीले जानकारी दिए। बिहीबार बसेको सचिवालयले पुस २३ गते गर्ने निर्णय गर्दै अनुमोदनका लागि पोलिट्ब्युरो बैठकमा पेश गरेको छ। 

    विभिन्न माओवादी घटकहरुसँग एकता भएपछि माओवादी केन्द्रले महाधिवेशनलाई ‘नेकपा माओवादी केन्द्र एकताको आठौँ राष्ट्रिय महाधिवेशन’ नाम दिएको छ।

    महाधिवेशनबारे आवश्यक तयारीका लागि माओवादी केन्द्रले भदौ २ गते महाधिवेशन आयोजक समितिको बैठक बोलाएको छ। जारी पोलिट्ब्युरो बैठकले पार्टीको महाधिवेशन लगायत बिभिन्न विषयमा छलफल गर्न आयोजक समितिको बैठक बोलाउने निर्णय गरेको हो।

    माओवादी घटकहरुसँग एकतापछि बनाइएको माओवादी केन्द्रको १ हजार ४ सय ९९ सदस्यीय केन्द्रीय समितिलाई महाधिवेशन आयोजक समिति भनिएको छ। पोलिट्ब्युरो बैठकमा आगामी महाधिवेशनबाट केन्द्रीय सदस्यको संख्या १ सय ९९ जना बनाउने समझदारी भएको छ।

    के गर्छ महाधिवेशनले?

    माओवादी केन्द्रको अन्तरिम विधान २०७३ मा 'आधारभूत वैचारिक राजनीतिक विषयमा समान धारणा बनेका पार्टीहरुको बीचमा एकता भएकोले एकता महाधिवेशन विशिष्ट अवस्थाको हुने' उल्लेख छ। 

    विगतका समीक्षात्मक प्रतिवेदनमाथि छलफल गरी पारित गर्ने, पार्टीको वैचारिक र राजनीतिक कार्यदिशा, नीति कार्यक्रम लगायतका राजनीतिक दस्तावेज पारित गर्ने, पार्टीको विधान निर्माण गर्ने र केन्द्रीय कार्यसमिति गठन गर्ने महाधिवेशनका मुख्य काम हुन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]