भारतको उत्तर प्रदेशमा स्कुल बस र ट्रक एकआपसमा जुध्दा २५ स्कुले बालबालिकाको मृत्यु भएको छ। एटा जिल्लाको अलीगंज इलाकामा भएको दुर्घटनामा ३० भन्दा बढी बालबालिका घाइते भएका छन्।
मृत्यु भएका बालबालिका एलकेजी देखि कक्षा ७ सम्म पढ्ने, ४ देखि ११ वर्षका रहेको बताइएको छ।
बिहीबार बिहान जेएस विद्या पब्लिक स्कूलको बसलाई बालुवा बोकेको ट्रकले ठक्कर दिएको थियो। बाक्लो हुस्सु लागेको कारण दुर्घटना भएको बताइएको छ। बसमा ६१ बालबालिका रहेका थिए।
घाइते मध्ये २० भन्दा बढी बालबालिकालाई सरकारी अस्पतालमा भर्ना गरिएको छ। केही घाइते बालबालिकालाई अभिभावकले उपचारका लागि अन्तै लगेको बताइएको छ। बाकीँ घाइतेलाई आगरा र अलीगढका अस्पतालमा पठाइएको छ।
दुर्घटनाबारे भारतीय प्रधानमन्त्री नरेन्द्र मोदीले ट्विट मार्फत दुख व्यक्त गरेका छन्।
Anguished by the tragic accident in UP’s Etah district. I share the pain of the bereaved families & condole passing away of young children.
— Narendra Modi (@narendramodi) January 19, 2017
तपाईंको ईमेल गोप्य राखिनेछ ।