काठमाडौं : तराई मधेश लोकतान्त्रिक पार्टीले सात जना केन्द्रीय सदस्यलाई पदाधिकारीमा मनोनयन गरेको छ। पार्टीले ४ जना केन्द्रीय सदस्यलाई महामन्त्री र ३ जनालाई सह-महामन्त्रीको जिम्मेवारी दिएको हो।
महामन्त्रीमा मनोनित हुनेहरुमा विजय सिंह, उमाकान्त झा, चन्दा चौधरी र जितेन्द्र सिंह छन्। तमलोपाले सुरेन्द्र झा, मीरा अन्सारी र रामचन्द्र वैठालाई सह- महामन्त्रीको जिम्मेवारी दिएको छ। 'विभिन्न जाति तथा समुदायलाई समावेश गरी पार्टीलाई गतिशिल बनाउन पदाधिकारी मनोनयन गरिएको हो,' अध्यक्ष महन्थ ठाकुरद्वार हस्ताक्षरित विज्ञप्तिमा उल्लेख छ।
तपाईंको ईमेल गोप्य राखिनेछ ।