समाज

बेनीमा माघे संक्रान्ति मेलासँगै भ्रमण वर्षको शुभारम्भ

पुस २९, २०७६

    म्याग्दी : म्याग्दीको सदरमुकाम बेनीमा मंगलबारदेखि नेपाल भ्रमण वर्ष २०२० एवं आठौं माघे संक्रान्ति मेला २०७६ सुरु भएको छ।

    परम्परातरूपमा लाग्दै आइरहेको माघे संक्रान्ति मेलाको जगर्ने, स्थानीय उत्पादनको बजारीकरण तथा आन्तिरिक पर्यटन प्रवद्र्धन गर्ने उद्देश्यले आयोजना गरेको मेलाको गण्डकी प्रदेशका सांसद विनोद केसीले उद्घाटन गरे।

    म्याग्दी उद्योग वाणिज्य संघ अन्तरगतको महिला उद्यम विकास समितिको मूल आयोजनामा बेनीको खुलामञ्चमा आयोजित मेलाको उद्घाटनपूर्व विभिन्न जातजाति र समूहले झाँकी प्रदर्शन गर्नुका साथै बजार परिक्रमा गरेका थिए। सोही अवसरमा नेपाल भ्रमण वर्ष २०२० को विधिवतरूपमा स्वागतसमेत गरिएको थियो।

    मेलामा बेनी नगरपालिका ४ राक्सेका महिलाको पञ्चेबाजा प्रमुख आकर्षणको रुपमा रहेको छ। मेलामा खुल्ला एकल लोकनृत्य तथा नेपाल भ्रमण वर्ष २०२० लाई लक्षित गरी खुल्ला लोकगीत प्रतियोगिता, खुल्ला अन्ध निसान, महिला पुरुष छेलो फाल्ने, लठो तान्ने प्रतियोगिता पनि आयोजना गरिएको आयोजक संस्थाका संयोजक सुनिता केसीले बताइन्।

    ‘उद्योग व्यापार र कलाको विकास गरौँ। संस्कृतिको संरक्षण गर्दै पर्यटन प्रवद्र्धन गरौँ’ भन्ने मूल नारासहित आयोजना गरिएको मेला २ दिनसम्म संचालन हुने आयोजकले जनाएको छ।

ध्रुवसागर शर्मा

शर्मा थाहा खबरका म्याग्दी समाचारदाता हुन् ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]