काठमाडौं : धितोपत्र बजारमा शेयर कारोवार मापक नेप्से परिसूचक सोमबार भने झण्डै साढे २६ अंकले ओरालो लागेको छ। लगातार उकालो लाग्दै आएको बजार थामिएर सोमबार ओरालो लागेको हो। नेपाल स्टक एक्सचेन्जका अनुसार नेप्से परिसूचक सोमबार २६.५४ विन्दुले घटेर एक हजार ३१७.११ मा पुगेको छ।
यस्तै सेन्सेटिभ परिसूचक ४.८६ ले घटेर २८३.५३ मा पुगेको छ। नेप्से ओरालो लागे पनि कारोवार रकम झण्डै दुई अर्ब बराबर छ। कूल १८२ कम्पनीको ५८ लाख ४६ हजार २३८ कित्ता शेयर एक अर्ब ९७ करोड तीन लाख ८७ हजार ९९३ मूल्यमा खरिद–बिक्री भए।
नेप्सेका अनुसार कारोवार भएका सबै उप समूहको शेयर ओरालो लागेको छ। बैंकिङ १५.८८, व्यापार ५४.५९, होटल ६४.०९, विकास बैंक ५२.८७, जलविद्युत् ४२.२२, वित्त २२.३३, निर्जीवन बीमा ११६.३१, उत्पादन ७१.९१, अन्य १३.५३, लघुवित्त ५७.८८, जीवन बीमा १५४.६५ र सामूहिक लगानी कोष ०.१८ ले घटेको छ।
नप्सेका अनुसार कारोवारका आधारमा हिमालयन डिस्टिलरी शीर्ष स्थानमा छ। सो कम्पनीको २० करोड ९२ लाख ९५ हजार ९३६ मूल्य बराबरको शेयर कारोवार भई शीर्षस्थानमा रह्यो।
एनसिसी बैंक १३ करोड ३२ लाख १६ हजार ८१७, नेपाल लाइफ इन्सुरेन्स कम्पनी नौ करोड ३० लाख दुई हजार ११७, प्रभु बैंक ६ करोड ७१ लाख ३८ हजार ३५२, एनआइसी एशिया बैंक पाँच करोड ९८ लाख ४८ हजार ९०२, शिवम् सिमेन्ट पाँच करोड ८० लाख ३० हजार ९५५ र सूर्य लाइफ इन्सुरेन्स कम्पनी पाँच करोड ४४ लाख ९५ हजार बराबरको कारोवार भई शीर्षस्थानमा रहे।
मल्टिप्रपोज फाइनान्स कम्पनी ९.७७, ग्लाबेल आइएमई बैंक ९.७२, सूर्य लाइफ इन्सुरेन्स कम्पनी २.६१, प्रुडेन्सियल इन्सुरेन्स कम्पनी २.५४, सिनर्जी पावर १.९२ र मञ्जुश्री फाइनान्स कम्पनीका शेयरधनीले १.८६ प्रतिशतले कमाए। पाँचथर पावर कम्पनी १०, पोखरा फाइनान्स ९.८२, हिमालयन पावर पार्टनर ९.४१, विशाल बजार कम्पनी ९.२२, पञ्चकन्या माई हाइड्रोपावर ८.६५ र हिमालयन ऊर्जा विकास कम्पनीका शेयरधनीले ८.३३ प्रतिशतले गुमाए।
तपाईंको ईमेल गोप्य राखिनेछ ।