काठमाडौं : उपप्रधानमन्त्री तथा रक्षामन्त्री ईश्वर पोखरेल र बेल्जियमकी राजकुमारी अस्त्रिदबीच भेटवार्ता भएको छ। अस्त्रिद र उपप्रधामन्त्री पोखरेलबीच मंगलबार भेटवार्ता भएको हो।
राजकुमारी नेपालको साताव्यापी भ्रमणका लागि आइतबार आएकी थिइन्। मंगलबार नै उनीसहितको टोलीले भक्तपुर दरबार क्षेत्रका सम्पदाको अवलोकनसमेत गरेकी छन्। यसअघि उनले परराष्ट्रमन्त्री प्रदीपकुमार ज्ञवालीसँग पनि भेटवार्ता गरिन्।
नेपाल बसाइका क्रममा उनले कैलालीमा नयाँ क्षयरोग उपचार केन्द्रको उद्घाटन गर्ने तथा कैलाली र नवलपरासीको मध्यबिन्दु अस्पतालमा रहेको क्षयरोगका विरामीलाई भेट्ने कार्यक्रम छ। यी दुई अस्पतालको निर्माणमा राजकुमारी नै मानार्थ रहेको डेमिन फाउन्डेसन नामको एक गैरसरकारी संस्थाले सहयोग गरेको थियो।
उनले राष्ट्रपति विद्यादेवी भण्डारी र स्वास्थ्यमन्त्री भानुभक्त ढकाललाई भेट्ने कार्यक्रम समेत रहेको छ। आइतबार राजकुमारी अस्त्रिदलाई उद्योग वाणिज्य तथा आपूर्ति राज्यमन्त्री मोतिलाल दुगडले स्वागत त्रिभुवन अन्तर्राष्टिय विमानस्थलमा स्वागत गरेका थिए।
तपाईंको ईमेल गोप्य राखिनेछ ।