समाज

प्रदेश १ मा थपिँदै २५ ‘बिओपी’

फागुन २, २०७६

    दमक : प्रदेश-१ सरकारले सीमा सुरक्षालाई प्राथमिकता दिएको दावी गरेको छ। यसैक्रममा सीमा सुरक्षाका लागि बोर्डर आउट पोष्ट निर्माणले तीव्रता पाएको छ। प्रदेश-१ सरकारले हालसम्म नेपाल-भारत सीमा क्षेत्रमा २५ ओटा बोर्डर आउट पोष्ट निर्माण गरेको प्रदेश सरकारले जनाएको छ।

    झापाको गौरीगञ्ज गाउँपालिका-१ कुञ्जिबारीको सिमा क्षेत्रमा निर्माण गरिएको बोर्डर आउट पोष्ट उद्घाटनका क्रममा प्रदेश-१ का आन्तरीक मामिला तथा कानुनमन्त्री हिक्मतकुमार कार्कीले सो जानकारी दिएका हुन्।

    उद्घाटन कार्याक्रममा मन्त्री कार्कीले सीमा सुरक्षाका लागि प्रदेश सरकारले हालसम्म २५ वटा बोर्डर आउट पोष्ट निर्माण गरी सकेको र चाडै नै ३१ वटा पुर्‍याउने सरकारले योजनाअघि सारेको पनि जानकारी दिए। बिओपी निर्माणले सीमा क्षेत्रमा हुने अवैध कारोवार, अबान्छनीय गतिविधि नियन्त्रण र जनधनको सुरक्षामा सहयोग पुगेको उनको भनाइ थियो।

    मन्त्री कार्कीले तराईमा ७ देखि १० किलो मिटर फरकमा रहेको बिओपीलाई एक अर्काबीच जोड्ने सडक र प्रहरी परिचालनका लागि आवश्यक यातायतको समेत व्यवस्थापन गर्ने जनाए।

    प्रदेश-१ का सशस्त्र प्रहरी प्रमुख डिआइजी नगेन्द्रबहादुर थापाले गत वर्ष थालेका १२ वटा बिओपी पूरा भएको र मोरङ, झापा र इलामगरी पुन पोष्ट निर्माणका लागि ३ स्थानमा जग्गा प्राप्ति भइसकेको जानकारी दिएका छन्। बिओपी प्रदेश सरकारको १ करोड ७१ लाखमा  ५ वटा भवन र मेससहितका संरचना बनाइएको हो।   

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]