समाज

गाँजाको धुवाँ उडाउन नपाएपछि हराए 'भोलेबाबा'

फागुन ९, २०७६

    बाँके : बागेश्वरी मन्दिरको पूर्वतर्फ शिव महादेवको मूर्ति छ। शिवरात्रिमा भोलेबाबाले खचाखच भरिने बागेश्वरी मन्दिर परिसरमा यस वर्ष शिवभक्त देखिएनन्। उसो त अन्य समयमा पनि जुँगे महादेवको पूजा अर्चना गर्न बागेश्वरीमा उस्तै भीड हुन्छ। अन्य समयभन्दा शिवरात्रिका दिन भीड बढ्ने गर्छ।  

    जुँगे महादेवको मूर्तिमा प्रसाद चढाउन र पूजाअर्चना गर्न भक्तजन लामो समय लाममा बस्नुपर्‍यो। नेपाल प्रहरीले लामलाई व्यवस्थित गरिरहेको थियो। 'बिहान ४ बजेदेखि लाइनमा बसिरहेकी छु', नेपालगञ्ज-१८, की पवित्रा बस्नेतले भनिन्,, 'लाइन घटिरहेको छ, अब पालो आउला जस्तो छ।'  मन्दिरमा विशेष गरी युवाको भीड देखिन्थ्यो। 

    'पोहोर साल त धेरै देखेको थिएँ यसपालि भोलेबाबाहरु देखिएनन्। केही चिसो मौसम भएर होला ?' नेपालगञ्ज-१ की दीपिका रेग्मीले अड्कलबाजी गरेर भनिन्, 'विगतका वर्षहरुमा बागेश्वरी मन्दिर परिसरमा धुवाँ उडाइरहेका भोलेबाबा यसपालि हराएछन्।'

    रेग्मीले भनेजस्तै यस वर्ष शिवरात्रिमा बागेश्वरीमा भोलेबाबा देखिएनन्। यस वर्ष शिवरात्रिमा भाङ, धतुरो र गाँजा खान र बेच्न स्थानीय प्रशासनले कडाइ गरेको जिल्ला प्रहरी कार्यालय बाँकेका प्रमुख प्रहरी उपरीक्षक वीरबहादुर ओलीले बताए। 'भोलेबाबाको उपस्थिति नहुनुमा यसैको प्रभाव पनि हुनसक्छ', उनले भने।

    संसारभर पाइने महादेवको मूर्तिमध्ये जुँगा भएको मूर्ति यहीँ मात्र छ। बागेश्वरी मन्दिर यस क्षेत्रकै ठूलो र प्रसिद्ध मन्दिर हो। यस स्थानमा सतीदेवीको जिब्रो पतन भएको भन्ने जनविश्वास छ। 

    एउटा ठूलो तलाउको किनारामा रहेको बागेश्वरी मन्दिर नयाँ मुलुकका रूपमा बाँके, बर्दिया, कैलाली र कञ्चनपुर नेपालमा गाभिएपछि मात्रै पत्ता लागेको इतिहास छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]