समाज

सूर्खेतका भेरी गंगाका प्रमुख प्रशासकीय अधिकृत अख्तियारकाे हिरासतमा

फागुन १६, २०७६

    सुर्खेत : अख्तियार दुरुपयोग अनुसन्धान आयोगले भेरीगंगा नगरपालिकाका प्रमुख प्रशासकीय अधिकृत कमल पौडेललाई अख्तियारले पक्राउ गरेको छ।

    तालिमका लागि काठमाडौंमा रहेका पौडेललाई अख्तियार दुरुपयोग अनुसन्धान आयोगले पक्राउ गरेको थियो। फागुन ८ गते भेरीगंगा नगरपालिकाका खानेपानी प्राविधिक चन्द्रबहादुर केसीलाई दुईलाख घुस रकमसहित अख्तियारको टोलीले पक्राउ गरेको थियो। उनको साथमा भएको मोबाइलको कल रेकर्ड हेर्दा पौडेल पनि छानबिनको दायरामा आएको अख्तियार स्रोतले जनाएको छ।

    प्राविधिक केसीले नगरपालिकाको वडा नम्बर ११ को तल्लो बराहस्थित झोलुङ्गे पुल निर्माण सकिएपछि भुक्तानीमा सहजीकरण गरिदिने भन्दै सेवाग्राहीसँग घुस मागेका थिए। पौडेल अहिले अख्तियारको हिरासतमा रहेका छन्।

    अख्तियारले अनुसन्धान भइरहेकोले अन्य कुरा भन्न नमिल्ले अख्तियारले जनाएको छ। आयोग सुर्खेतका सूचना अधिकारी मेघनाथ सापकोटाका अनुसार काठमाडौंबाट नै पक्राउ गरेकोले आधिकारिक रुपमा सुर्खेतलाई थाहा नभएको बताए।

    ‘मैले पनि बाहिरबाट सुनेको छु। तर आधिकारीक रुप्मा जानकारी पाएको छैन्’ उनले भने। भेरीगंगा नगरपालिकाका एका कर्मचारीले अख्तियारले पक्राउ गरेको र पौडेल अहिले अख्तियारको हिरासतमा रहेको पुष्टि गरे। उनले भने, ‘यही १२ गते काठमाडौं जाने कार्यक्रम रहेको थियो। तर हाकिम साप एघार गते नै हिड्नु भएको हो। हिड्दा अलि तनावमा हुनुहुन्थ्यो।‘ 

    ती कर्मचारीका अनुसार कार्यकारी पौडेल अतिआवश्यक चेकमा सहि नगरी काठमाडौं गएको जनाए। ‘सही गर्नु पर्ने चेकपछि काठमाडौं मगाउनु भएको थियो। तर चेक लिएर काठमाडौं पुग्दा मोबाइल स्विचअफ भयो। उनले भनेपछि थाहा भयो अख्तियारको हिरासतमा रहेछन्।’

    ती कर्मचारीले थप भने, ‘खानेपानीका प्राविधिक चन्द्र केसीको मोबाइलमा कल रेकर्ड देखियो भनेर अनुसन्धानमा लिएको भन्ने छ। अब निलम्बनको पत्र आउछ होला।’

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]