अर्थ

दाजुङखोला लघु परियोजना मर्मतपछि विद्युत आपूर्ति शुरु

चैत १२, २०७६

    म्याग्दी : पश्चिम म्याग्दीको मालिका गाउँपालिका ४ च्युरिबोटस्थित दाजुङखोला लघुजलविद्युत परियोजना मर्मतपछि विद्युत उत्पादन शुरु भएको छ। लघुजलविद्युत परियोजना मर्मत गर्नुपर्ने भएकाले गत फागुन २० गतेदेखि विद्युत उत्पादन पूर्ण रुपमा बन्द भएको थियो।

    मालिका गाउँपालिकाका अध्यक्ष श्रीप्रसाद रोका मगरको पहलमा गण्डकी प्रदेश भौतिक पुर्वाधार मन्त्रालयको १६ लाख रुपैयाँ सहयोगमा जलस्रोत सिंचाई विकास तथा डिभिजन कार्यालय म्याग्दी मार्फत परियोजनाको विद्युत गृहको टर्वाइन मर्मत ,गेटबल, बाढीले बगाएको नहर निर्माण र मर्मत तथा ट्यांकी मर्मत गरेपछि १९ दिनमा विद्युत उत्पादन सुरु भएको दाजुङखोला लघु जलविद्युत सहकारी संस्था लिमिटेड व्यवस्थापन समितिका अध्यक्ष नन्दबहादुर घर्तीले जानकारी दिए।

    २०५७ सालदेखि उत्पादन सुरु भएको ३० किलोवाट क्षमताको जलविद्युत परियोजनाबाट वडा नं ३ को खतेनसहित ओखरबोट, च्युरिबोट, महभिर र छाप गरी करिब चारसय घरधुरीले सेवा लिदै आएका छन्। उक्त लघुजलविद्युत परियोजनाबाट ५५ घरधुरीले खेतीका लागि सिंचाइ गर्दै आएका छन् भने एक पानीमिल संचालन हुँदै आएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]