|
तस्बिर स्रोत : गुगल ।

सिन्धुली : सिन्धुलीको फिक्कल गाउपालिका स्थित सुनकोशी नदीमा आईतवार पौडी खेल्नेक्रममा डुबेर दुई जना बेपत्ता भएका छन्।

फिक्कल गाउँपालिका-४ कुईभिरस्थित सुनकोशी नदीमा पौडी खेल्ने क्रममा सुर्खेत जिल्ला पंचकोटी नगरपालिका-७ घर भई हाल फिक्कल गाउपालिका-४ खाङसाङ क्षेत्रमा बस्दै आएका १९ वर्षीय दिनेश बुढा क्षेत्री र सोही ठाउँका २० वर्षीय जनक बुढा क्षेत्री बेपत्ता भएका हुन्।

उनीहरू फिक्कल गाउँपालिका-४ खाङसाङमा मिस्त्री काम गर्दै आएका थिए। बेपत्ताहरूको खोजीका लागि खाङसाङ प्रहरी चौकीका चार जना र इलाका प्रहरी कार्यालय सिन्धुलीका सात जना प्रहरी टोली परिचालन गरिएको जिल्ला प्रहरी कार्यालय सिन्धुलीका प्रहरी नायव उपरिक्षक श्याम बहादुर खत्रीले जानकारी दिएका छन्‌।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.