कोभिड-१९ {अपडेट}

वीरगन्जका ९ जना कोरोना जितेर अस्पतालबाट बिदा भए

जेठ १०, २०७७

    पर्सा : वीरगन्जको नारायणी अस्पतालबाट कोरोना जितेर ९ जना कोरोना संक्रमित डिस्चार्ज भएका छन्। 

    नारायणी र गण्डक अस्पतालमा उपचारार्थ ९६ जना संक्रमितमध्ये शनिबार ९ जना डिस्चार्ज भएका नारायणी अस्पतालका मेडिकल सुपरिटेण्डेन्ट (मेसु) डा. मदन कुमार उपाध्यायले थाहाखबरसँग बताए। उनीहरु पर्साका ३, रौतहटका ३, बाराका २ र एक भारतीय गरी ९ जना छन्।  

    नारायणी अस्पतालमा ७१ जनाले कोरोना उपचार गराइरहेका थिए। नारायणी अस्पतालकै नामले संचालित गण्डक अस्पतालमा भएका २५ जना भने उपचाररत छन्। दुवै अस्पतालमा गरी अब ८७ जना संक्रमित रहेका अस्पतालले जनाएको छ। 

    नारायणी अस्पतालमा मात्र अब ६२ जना संक्रमित उपचाररत छन्। डिस्चार्ज हुनेहरु वीरगन्ज महानगरपालिका २ का ३० वर्षीय, वडा नम्बर ३ का ५० वर्षीय, वडा नम्बर १६ का ५१ वर्षीय पुरुष छन्। 

    त्यसैगरी बारा सिम्रौनगढ ४ का ३१ वर्षीय, जितपुर सिमरा १ का ४३ वर्षीय पनि पुरुष नै हुन्। शनिबार डिस्चार्ज हुनेहरु रौतहट गुजरा नगरपालिका ५ का ३५ वर्षीय, इशनाथ नगरपालिकाका १९ वर्षीय, बृन्दावन नगरपालिकाका २४ वर्षीय पुरुष र तथा ४२ वर्षीय एक भारतीय पनि पुरुष नै हुन्। 

    तीमध्ये दुई जना गत वैशाख १४ गते डिस्चार्ज भई पुनः वैशाख २१ गते भर्ना भएका थिए। अब नेपालभर कोरोना संक्रमितको संख्या ७९ जना पुगेका छन्। 

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]