काठमाडौं : एसीसी प्रिमियर कपको उपाधि युएईले जितेको छ। घरेलु टोली ओमान माथि ५५ रनको जित निकाल्दै युएई उपाधिसहित एसिया कप...
यूरोकप तयारी : स्पेन र पोर्चुगलबीच बराबरी
जेठ २२, २०७८
यूरोकप तयारी अन्तर्गत स्पेन र पोर्चुगलबीच गएराति भएको फूटबल खेल गोलरहित बराबरीमा टुङ्गिएको छ।
स्पेनले खेलको २७औं मिनेटदेखि नै गोल गर्ने अवसर पाएको थियो। त्यतिखेर अल्भारो मोराटाले दिएको पासमा फेरान टोरेसले गरेको हेडर पोस्ट नजिकैबाट बाहिरिएको थियो।
५०औं मिनेटमा मोराटाले गरेको प्रहारलाई रोक्दै पेपेले पोर्चुगललाई सुरक्षित पारेका थिए। ५८औं मिनेटमा पनि मोराटाले दिएको पास बललाई पाब्लो सारावियाले पोस्ट नजिकैबाट प्रहार गरेपनि त्यसलाई गोलमा परिणत गर्न सकेनन्।
इन्ज्युरी समयको पहिलो मिनेटमा स्पेनले काउन्टर अट्याकको अवसर पाएपनि त्यसलाई गोलमा परिणत गर्न सकेन। जोस गायाले दिएको पास बलमा मोराटाले गरेको प्रहार पोर्चुगलको बारमा लागेर फर्किएको थियो।
स्टार स्ट्राइकर क्रिष्टियानो रोनाल्डोले कप्तानीमा रहेको पोर्चुगिज टोलीले पटक-पटक मौका पाउँदा पनि स्पेनको पोस्टमा गोल गर्न सकेन।
२२औं मिनेटमा जोस फान्टेले हानेको कर्नर बललाई रेनाटो साञ्चेजले हेड गरेपनि स्पेनका पाउ टोरेसले गोल हुन दिएनन्।
यस्तै, ३७ औं मिनेटमा रेनाटो साञ्चेजले बल पास दिँदा गोलका लागि निकै राम्रो अवसर मिलेपनि क्रिस्टियानो रोनाल्डोले सदुपयोग गर्न सकेनन्।
४१औं मिनेटमा पनि पोर्चुगलले गोल गर्ने अवसर पाएको थियो। तर, रेनाटोले रोनाल्डोलाई दिएको पासमा नेल्सन सेमेडोले गरेको प्रहार क्रसबारबाट बाहिरिएको थियो।
डिएगो जोटाले ६०औं मिनेटमा रोनाल्डोलाई दिएको पास पनि क्रसबारबाटै बाहिरिएको थियो। त्यसपछि पोर्चुगलले गोल गर्ने अवसर खासै बनाउन सकेन।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।