वरिष्ठ नेता पौडेलले भूकम्पपीडित जनता अहिले पनि खुल्ला आकासमुनि बस्न बाध्य भइराखेको भन्दै आवास निर्माणका लागि दिने भनेको २ लाख रुपैयाँ अनुदान तत्काल दिन आग्रह गरे। उनले अफगानिस्तानमा भएको हमलामा मृत्यु भएका १२ नेपालीप्रति भावपूर्ण श्रद्धाञ्जली व्यक्त गर्दै परिवारजनमा समवेदना व्यक्त गरेका छन्।

सांसद् सुशीला नेपालले कपिलवस्तुमा जेठ ३० गते अपाङ्ग महिलामथि भएको अमानवीय व्यवहारप्रति छानबिन गर्न माग गर्दै दोषीलाई कारबाहीको माग गरिन्। सांसद कमला दोङले सत्य निरुपण आयोग, बेपत्ता परिवार छानबिन आयोगले के काम गरिरहेको छ ? यसका बारेमा सदनलाई जानकारी गराउन माग गरिन्। 

सांसद भक्तबहादुर विश्वकर्माले अफगानिस्तानमा आतङ्ककारी समूहको आततायी घटनामा परी मृत्यु भएकाहरुको शव उनीहरुकै घरमा पुर्‍याउने व्यवस्था गर्न, उनीहरुले पाउने सुविधा छिटो प्राप्तिका लागि पहल गर्न सरकारको ध्यानाकर्षण गराए।  

सांसद हरिशचरण साहले संविधान कार्यान्वयनमा प्रमुख दलहरुका नेताहरु नै गम्भीर बन्न नसकेको बताए।  

सांसद इन्द्रबहादुर बानियाँले असार सुरु भएपछि वर्षातसँगै विकासका नाममा पैसा सिध्याउने काम अन्त्य हुनुपर्ने माग गर्दै मकवानपुरका भूकम्पपीडितले राहत नपाएको गुनासो गरे।  

सांसद चण्डीप्रसाद राईले मङ्गलबार परेको अबिरल वर्षात्ले देशका विभिन्न स्थान डुबान परेकामा सरकार र सदनको सांसद दुर्गा पौडेलले राष्ट्रिय जनमोर्चाले संविधान प्रदत्त अधिकार उपयोग गरी आन्दोलनमा गएको बताइन्।