जनकपुरधाम : जनकपुरधाममा एक महिला र बालिकाको शव जलेको अवस्थामा फेला परेको छ। जनकपुरधाम उपमहानगर-१६ पुलचोकमा रेल्वे लिक नजिक पोखरी डिलमा...
विप्लव नेकपाले जलायो सुर्खेतमा दुई ट्रक
माघ ५, २०७५
सुर्खेत : बन्दको अवज्ञा गरेको भन्दै नेत्रविक्रम चन्द ‘विप्लव’ नेतृत्व नेपाल कम्युनिष्ट पार्टीले सुर्खेतमा दुई ट्रकमा आगजनी गरेको छ।
शनिबार बिहान नेपालगञ्जबाट खाद्यान्न बोकेर सुर्खेत आउँदै गरेको ना ६ ख ७३१३ नम्बरको ट्रक सत्तरीमा र नम्बर नखुलेको गाडी सुर्खेत पश्चिमको बड्डीचौरमा आगजनी गरेको प्रहरीले जनाएको छ ।
विप्लवका कार्यकर्ताले बिहान ४ बजेतिर ट्रकमाआगजनी गरेको इलाका प्रहरी कार्यालय छिन्चुका प्रहरी निरीक्षक निरक चौलागाइँले जानकारी दिए। अहिले लामो दूरीका सवारीसाधनलाई प्रहरीले सुरक्षा दिएर गन्तव्य पठाइरहेको छ ।
पुस २२ गते विद्यार्थीहरूको जिल्ला सम्मेलनको तयारीको सिलसिलामा सुर्खेत जिल्लाबाट विप्लव नेकपाका भेरी ब्यूरो सदस्य गोविन्द योगी र अनेरास्वयु क्रान्तिकारी सुर्खेतका अध्यक्ष कमल बुढालाई झुटो मुद्दामा गिरफ्तार गरेको भन्दै बन्द गरेको हो ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।