समाज

बैतडीमा स्वचालित मौसम केन्द्र स्थापना

असार २९, २०७७

    बैतडी : बैतडीको सतबाँझमा आइतवार स्वचालित मौसम उपकरणहरु जडान गरी पूर्वसूचना प्रणाली स्थापना गरीएको छ। सतबाँझस्थित सुख्खा फलफूल विकास केन्द्रमा उक्त उपकरण जडान गरिएको छ।

    कृषि विकास निर्देशनालय डोटीको सहयोगमा जडान गरिएको उपकरणबाट मौसम पूर्वानूमान गर्न सकिने, वर्षा कति हुने, तापक्रम कति छ भन्ने थाहा पाउन सकिने केन्द्रका कम्प्युटर अपरेटर गणेश भट्टले जानकारी दिए। केन्द्रमा फलफूलका बोटबिरुवा कति तापक्रममा कुन प्रजातिका उत्पादन तथा फलाउन सकिन्छ भनेर पनि उक्त उपकरण जडानपछि सहज हुने बताइएको छ। कति तापक्रममा कुन प्रकारका विरुवा उपयुक्त हुन्छ सोही अनुसार बोटविरुवा लगाइने केन्द्रले जनाएको छ।

    निर्देशनालयको २९ लाख रुपैयाँ सहयोगमा उक्त उपकरण जडान गरिएका केन्द्रका निमित्त प्रमुख डम्बरसिंह भाटले जानकारी दिए। यस केन्द्रबाट हरेक १५ मिनेटमा मौसमी सूचनाहरु संकलन गरिने र उक्त सूचनाहरु इन्टरनेटको सहायताले हेर्न सकिने बताइएको छ।

    २०१९ सालमा स्थापना भएको बागबानी विकास केन्द्र २०६२ सालदेखि सुख्खा फलफूल विकास केन्द्रको नामले परिचत छ। केन्द्रमा हाल स्याउ, ओखर, खुर्पानी, जैतुनलगायत १३ किसिमका फलफूलका बिरुवा रोपिएका छन्। यसका साथै विरुवा र तरकारी उत्पादन समेत गर्ने गरिएको छ।

    केन्द्रको २९ हेक्टर जमिनमध्ये अहिले १२ हेक्टरमा फलफूल तथा तरकारी खेती गरिँदै आएको छ । 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]