समाज : सुरक्षा/अपराध

जेलमै रहेका शिक्षकले तलब पाएपछि अख्तियारले थाल्याे अनुसन्धान

असार २९, २०७७

    बैतडी : कर्तव्य ज्यान मुद्दामा दोषी ठहरिएका दुई जना प्रधानाध्यापकलाई तलब दिइएको खुलेको छ। जिल्लाको बटैराज प्राथमिक विद्यालयका तत्कालीन प्रधानाध्यापक रतनसिंह भण्डारी कर्तव्य ज्यान मुद्दामा दोषी ठहर भए पनि निजलाई कारबाही गर्नुको साटो तलब भत्ता दिइएको अख्तियार दुरुपयोग अनुसन्धान आयोगले जनाएको छ। 

    आयोगले प्रकाशित गरेको विज्ञप्तिमा विद्यालय व्यवस्थापन समितिका अध्यक्ष टेकसिंह भण्डारीको सहमतिमा प्रधानाध्यापक रतनसिंह भण्डारीले ८३ हजार १ सय रुपैयाँ लिएको खुलेको छ। सरकारी रकमको दुरुपयोग गरेकाले अख्यितारले सो रकम असुल उपर गरी पाऊँ भन्दै विशेष अदालतमा आरोप पत्र दायर गरेको छ। 

    भ्रष्टाचार निवारण ऐन २०५९ को परिच्छेद २ को दफा १७ बमोजिम कसुर गरेकोले तत्कालीन प्रअ भण्डारी र अध्यक्ष टेकसिंह भण्डारीबाट बिगो असुल उपर गर्न अख्तियारले माग गरेको छ। 

    यस्तै जिल्लाको जशलिंग प्राविका तत्कालीन शिक्षक महानन्द कपाडीलाई पनि नियमविपरीत तलब खुवाएको अख्यितारले जनाएको छ। अख्तियारले गरेको छानबिनमा कर्तव्य ज्यान मुद्दामा दोषी ठहर भएका कपाडीलाई विद्यालय व्यवस्थापन समितिका अध्यक्ष देवराज कपाडी र श्रोत व्यक्ति हरि नाथको सहमतिमा ८१ हजार ९ सय तलब खुवाएको अख्तियारले ठहर गरेको छ। 

    सरकारी रकमको दुरुपयोग गरेको भन्दै विद्यालय व्यवस्थापन समितिका अध्यक्ष देवराज कपडी, श्रोतव्यक्ति हरिनाथ र विद्यालयका तत्कालीन शिक्षक महानन्द कपाडीबाट सो रकम असुल उपर गर्न विशेष अदालतमा आरोपपत्र दायर गरिएको अख्तियारका प्रवक्ता प्रदीपकुमार कोइरालाले हस्ताक्षर गरेको विज्ञप्तिमा उल्लेख छ।  उनीहरुले भ्रष्टाचार निवारण ऐन, २०५९ को परिच्छेद २ को दफा १७ बमोजिम कसुर गरेकोले सो रकम असुल उपर गर्न विशेष अदालतमा आरोप पत्र दायर गरिएको अख्तियारले जनाएको छ।

    बैतडीको दोगडाकेदार गाउँपालिका ३ श्रीकोट घर भएका महानन्द कपाडी र दोगडाकेदार ४ का रतनसिंह भण्डारी कर्तव्य ज्यान मुद्दामा २०७४ असार १५ मा जेल परेका थिए। २ वर्ष कैद सजाय र ८२ हजार जरिवानासहित जेल परेका दुवै ०७५ साल जेठ १५ गते गणतन्त्र दिवसको अवसरमा जेलमुक्त भएका थिए। उनीहरु ६४ प्रतिशत कैद भुक्तान गरेपछि ०७५ सालमा गणतन्त्र दिवसको अवसरमा छुटेका थिए। उनीहरु दुवैले दोगडाकेदार गाउँपालिका ३ श्रीकोटकैअर्जुनसिंह विष्टको हत्या गरेका हुन्। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]