जनकपुरधाम : लामो विवादपछि भारतको अयोध्यामा निर्माण हुन लागेको राम मन्दिरमा जनकपुरधामको माटो र चाँदीका इँटा प्रयोग हुने भएको छ।
जनकपुरस्थित जानकी मन्दिरका महन्थ रामतपेश्वर दासले राम मन्दिरका लागि माटो र चाँदीका इँटा लिएर अयोध्या प्रस्थान गरेका छन्। आज दिउँसो साढे ५ बजे जानकी मन्दिरबाट हिँडेका हुन्। उनी नगराइन नगरपालिकामा पर्ने जटही नाकाबाट भारत प्रवेश गर्नेछन्।
राम मन्दिर निर्माणका लागि अयोध्यामा भोलि बिहान ११ बजेदेखि दिउँसो १ बजेसम्म भुमिपूजन हुने कार्यक्रम तय गरिएको छ। उक्त कार्यक्रममा प्रधानमन्त्री नरेन्द्र मोदी र उत्तर प्रदेशका मुख्यमन्त्री योगी आदित्यनाथ सहितको सहभागिता रहने छ। सोही भुमिपूजन समारोहमा महन्थ दासले जनकपुरको मोटो र ५ किलो चाँदीका ५ इँटा हस्तान्तरण गर्नेछन्।
महन्थ दासले मिथिला र अवधको सम्बन्ध कायम राख्न अयोध्यामा बन्ने भगवान् राम मन्दिरका लागि जनकपुरको मोटो र चाँदीका इटा उपहार दिन लागेको बताएका छन्। जानकी मन्दिरका महन्थ रोषण दासका अनुसार राम मन्दिर निर्माणका लागि आयोजना गरिने भूमिपूजनमा सहभागी हुन अयोध्याबाट निमन्त्रणा आएको थियो।
तपाईंको ईमेल गोप्य राखिनेछ ।