समाज

क्‍वारेन्टाइनमा मृत्यु भएकी महिलाकाे परिवारलाई १० लाख र श्रीमानलाई रोजगार

साउन २९, २०७७

    कञ्चनपुर : क्वारेन्टाइनमा करेन्ट लागेर मृत्यु भएकी कृष्णपुर नगरपालिका ६ कि २३ वर्षीय राधादेवी ओडका परिवारलाई नगरपालिकाले १० लाख रुपैयाँ सहयोग दिइने भएको छ। 

    परिवारसँगको सहमति अनुसार नगरपालिकाले ओडकी १२ महिनाकी छोरी अनुको खातामा सहयोग रकम जम्मा गर्ने भएको छ। नगरपालिकाले सहयोगसँगै मृतक ओडका श्रीमानलाई योग्यताका आधारमा कार्यालयमा जागिर दिने सहमति गरेको छ। 

    यसैगरी ओड परिवारलाई थप राहतका लागि प्रदेश र संघ सरकारसित पहल गर्ने तथा क्वारेन्टाइन व्यवस्थापनको कमजोरी छानबिनका लागि समिति गठन गर्ने निर्णय गरिएको छ। कृष्णपुर नगरपालिकाका नगर प्रमुख कर्ण बहादुर हमालका स्वकीय गणेश सिह ऐरीले ओडको मृत्यु भएपछि नगर प्रमुखले सार्वजनिक रुपमा गरेको प्रतिवद्धता अनुसार सहयोग गरिएको बताए। 

    आज बिहान नगर प्रमुख हमाल र सुदूरपश्चिम प्रदेश सभा सदस्य महेशदत्त जोशी लगायतले मृतक ओडका घरमै पुगेर किरिया खर्चबापत २५ हजार रुपैयाँ परिवारका सदस्यलाई हस्तान्तरण गरेका थिए। मंगलबार कृष्णपुर ६ स्थित महाकाली माविको क्वारेन्टाइनमा करेन्ट लागेर २३ वर्षीया ओडको मृत्यु भएको थियो। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]