कोभिड-१९ {अपडेट}

वीरगञ्‍जमा उपचाररत २ बिरामीको मृत्युपछि कोरोना रिपोर्ट पोजेटिभ

बाराका दुवैजनामा विभिन्‍न रोग पनि थियो

साउन २९, २०७७

    पर्सा : पर्सामा दुईजना बिरामीको ज्यान गएपछि कोरोना रिपोर्ट पोजेटिभ आएको छ। ऊनीहरु दुवैजनाको बिहीबार बिहान मृत्यु भएको हो। मृतक दुवै बाराका हुन्।

    योसहित बारामा कोरोनाका कारण मृत्यु हुनेको संख्या ५ पुगेको छ। मृतकहरु एकजना बाराको प्रसौनी गाउँपालिका २ का ६५ वर्षीय पुरुष र अर्का जितपुर-सिमरा उपमहानगरपालिका ४ का ५० वर्षीय पुरुष रहेको नारायणी अस्पतालले जनाएको छ ।

    मृतकहरुमध्ये ६५ वर्षीय पुरुषलाई आजै नारायणी अस्पतालमा भर्ना गरिएको थियो। उनको बिहान साढे ८ बजेतिर मृत्यु भएको नारायणी अस्पतालको अस्थायी कोभिड अस्पताल गण्डकका संयोजक डा उदय नारायण सिंहले बताए।

    अर्का संक्रमितलाई बुधबार भर्ना गरिएको थियो। उनको पनि बिहान करिब ९ बजेतिर मृत्यु भएको उनले बताए।  मृतक दुवैजनामा दम, मुटु र मधुमेह रहेको अस्पतालले जनाएको छ ।
     

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]