काब्या अस्प्तालका मात्रै १८ जनालाई कोरोना

|

जनकपुरधाम : प्रदेश २ मा आइतवार ३१२ कोरोना संक्रमित थपिएका छन्। योसँगै प्रदेश २ मा कोरोना संक्रमितको संख्या ८ हजार ८३२ पुगेको छ।

सामाजिक विकास मन्त्रालयका अनुसार पर्सामा सबभन्दा बढी १३८ जना कोरोना संक्रमित थपिएका हुन्। यस्तै धनुषामा ३७ जना, महोत्तरीमा ११ जना, सिरहामा ५ जना, बारामा १३ जना, सर्लाहीमा ७९ जना, रौतहटमा १७ जना र सप्तरीमा १२ जना संक्रमित थपिएका छन्।

धनुषाका संक्रमितमध्ये जनकपुरस्थित काव्या अस्पतालकै १८ जना छन्। अस्पतालमा उपचाररत १ वर्षका बच्चामा समेत कोरोना पुष्टि भएको छ। यस्तै अस्पतालका डाक्टर र नर्ससहित १४ जना कर्मचारी संक्रमित भएको स्रोतले जनाएको छ।

धनुषाकै स्वास्थ्य कार्यालयका ३ कर्मचारीमा समेत संक्रमण पुष्टि भएको छ। जनकपुरस्थित कानून मन्त्रालयका थप एक कर्मचारीमा पनि संक्रमित भएका छन्।

धनुषाको मिथिला विहारी नगरपालिकाका ३ जना, सबैला, क्षिरेश्वरनाथ र हंसपुर नपाका १÷१ जना, धनौजीका २ जना, खुट्टाका १ जनामा समेत संक्रमण पुष्टि भएको छ।

महोत्तरीको रामगोपालपुरका १ जना, बर्दिबासका ७ जना, पिपराका १ जना, मनरा सिसवाका १ जना र गौशाला त्रिमाविका १ जनामा कोरोना पुष्टि भएको छ। यस्तै सिरहाको विष्णुर गापाका ४ जना र मिर्चैया नपाका १ जनामा कोरोना देखिएको छ।

बाराको जीतपुरस्थित आर्मी व्यारेकका २ जना र कलैया लङ्गडा मठका २ जनामा पनि कोरोना संक्रमण देखिएको छ। यस्तै पर्साका संक्रमित मध्ये बीरगन्जकै ५३ जना छन्। पर्साका संक्रमित मध्ये ३१ जना महिला रहेको सामाजिक विकास मन्त्रालयले जनाएको छ।

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.