युवा!
तिमी बिहानी घाम हौ ,
तर तिमी
अरूको फेरो समातेर
उदाउँछौ।
युवा!
तिमी आफैँमा आन्दोलन हौ ,
तर तिमी
कसैको इसारामा आन्दोलित
हुन्छौं।
युवा !
तिमी परिवर्तनको मसाल हौ,
तर तिमी
झुप्रोमा आगो र महलमा धुप बाल्छौ।
युवा !
तिम्रो एक पाइलाले समाज बदलिन्छ ,
तर तिमी
नयाँ पाइला चाल्दैनौ र समाज पछि धकेलिन्छ
युवा!
तिमी सँग समयले धेरै आस गरेको छ,
तर तिमीसँग
आफ्नै विचार र इच्छाशक्ति छैन
युवा!
अब म तिमीलाई युवा भन्न सक्दिनँ ,
तर तिमी
जुन दिन युवा बन्नेछौ
त्यो दिन मैले बन्दकी राखेको
शुभकामना तिमीलाई बाँड्ने छु।
तपाईंको ईमेल गोप्य राखिनेछ ।