काठमाडौं : बेलायतकी महारानी एलिजावेथ द्वितीय र राजकुमार फिलिपले कोरोनाविरुद्धको खोप लगाएका छन्।
९४ वर्षीया महारानी र ९९ वर्षीय राजकुमारले शनिबार कोरोनाको खोप लगाएको बकिंगघम प्यालेसले जानकारी दिएको छ। उनीहरु अहिलेसम्म कोरोना संक्रमण हुनबाट भने जोगिएका छन्। तर ७२ बर्षिय राजकुमार चार्ल्स र राजकुमार विलियमलाई भने गत मार्चमा कोरोना संक्रमण भएको थियो।
बेलायतमा अहिले स्वास्थ्यकर्मी, फ्रन्टलाइनर र ८० वर्षभन्दा माथिकालाई भ्याक्सिन दिदै गरिएको छ। नयाँ स्वरूपको कोरोना फैलिएपछि बेलायतमा अहिले फेरी लकडाउन गरिएको छ भने कोरोनाविरुद्धको फाइजर र अक्फोर्डको भ्याक्सिनलाई प्रयोगको अनुमति दिएर भ्याक्सिन अभियान चलाइएको छ।
बेलायतमा फेब्रुअरीको मध्यसम्म डेढ करोडले भ्याक्सिन लगाइसक्ने बताइएको छ। बेलायतमा कोरोनाबाट अहिलेसम्म ८० हजारभन्दा बढीको मृत्यु भएको छ भने ३० लाखभन्दा बढी संक्रमित भएका छन्।
तपाईंको ईमेल गोप्य राखिनेछ ।