पाकिस्तानी प्रधानमन्त्री इमरान खानले विपक्षी नेताहरूलाई डाँकुको संज्ञा दिँदै ती डाँकुहरू आफूमाथि खनिएको अभिव्यक्ति दिएका छन्।
भ्रष्टाचार स्थितिबारे ट्रान्सपरेन्सी इन्टरनेशनलले सार्वजनिक गरेको पछिल्लो प्रतिवेदनमा पाकिस्तानको स्थिति थप खराब बनेको उल्लेख भएपछि विपक्षीहरू इमरान खानविरुद्ध खनिएका छन्। सरकार र विपक्षीबीच वाक्युद्ध थप चर्किएको छ।
इमरानले भनेका छन्, 'ठूला–ठूला डाँकु मिलेका छन् र मलाई घुक्र्याएका छन्। एकजना भगौडा (नवाज शरीफ) लन्डनमा बसेर स्वतन्त्रता सेनानी बनेको छ, सबै पार्टीमा रहेका डाँकुहरूले आफ्नो पार्टी फुट्न नदिन सरकार गिर्ने तारिख सुनाउँदै हिँडेका छन्।'
उनले मौलना फजलुर्ररहमान भ्रष्ट व्यक्ति भएको र निजलाई मौलाना ठान्नु धर्मकै अपमान हुने दावी समेत गरेका छन्, उनले भनेका छन्, 'फजलुर्रहमान मदरसाका बच्चाहरू दुरुपयोग गर्दै अर्बपति बनेका छन्।' फजलुर्रहमान पाकिस्तानका दक्षिणपन्थी नेता एवम् जमाइत–उलेमा–ए–इस्लामका अध्यक्ष हुन्।
ट्रान्सपरेन्सीको पछिल्लो प्रतिवेदनका अनुसार सन् २०१९–२० मा पाकिस्तान सुशासनको बिन्दुबाट थप ७ स्थान तल खस्किएको छ।
यसै प्रतिवेदनलाई हवाला दिँदै विपक्षी मुस्लिम लिग (नवाज) ले खान नेतृत्वको सरकारलाई इतिहासकै भ्रष्ट भएको आरोप लगाएको छ।
भ्रष्टाचार आरोप लागेका पूर्वप्रधानमन्त्री नवाज शरीफ हाल पाकिस्तानमा छन्। मुस्लिम लिग (नवाज) उनैको पार्टी हो।
तपाईंको ईमेल गोप्य राखिनेछ ।