|

बैतडी : नेपाल र भारत जिल्लास्तरीय सीमा सुरक्षा समन्वय बैठक बिहीबार सम्पन्न भएको छ। दुई देशबीचको जिल्लास्तरीय सीमा सुरक्षा समन्वय बैठक भारतको झुलाघाटमा सम्पन्न भएको हो। 

बैठकमा अन्तरदेशीय सीमा अपराध र अवैध हातहतियार तथा बन्दोबस्ती ओसारपसार नियन्त्रणसम्बन्धी सूचना आदानप्रदान एवं शान्ति सुव्यवस्था कायमलगायत विषयमा दुबै पक्षबीच सहमत भएको बैतडीका प्रहरी प्रमुख नारायणप्रसाद अधिकारीले जानकारी दिए।  

सीमामा हुने अपराध नियन्त्रणका लागि दुवै देशले समन्वय गर्ने, विपद्पूर्व तथा विपद्का बेला सूचना आदानप्रदान गर्ने, राजश्व चुहावट नियन्त्रण, सीमामा आवतजावत गर्दा हेल्थ डेस्कमा जाँच गर्ने लगायतका विषयमा सहमति भएको हो।  

नेपालका तर्फबाट बैतडीका प्रहरी प्रमुख प्रहरी नायव उपरीक्षक नारायणप्रसाद अधिकारी, सशस्त्र प्रहरीका बैतडी प्रमुख गणेश शाह, भन्सार कार्यालयका प्रतिनिधि र भारतका तर्फबाट भारतीय सीमा सुरक्षा बलका भाइस कमाण्डर आरके राजेश्वरी,भारतीय प्रहरीका प्रतिनिधि, भन्सार कार्यालयका प्रतिनिधिको सहभागिता थियो।  

यसअघि  गत फागुनमा बसेको समन्वय समितिको बैठक हरेक तीन–तीन महिनामा बैठक बस्ने निर्णय भएको भएपनि कोरोना कहरले  १ वर्षपछि बैठक बसेको हो।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.