काठमाडौं : चर्चित गायन रियालिटी द भ्वाइस अफ नेपाल सिजन २ को टप १० मा पुग्न सफल गायक विशाल राईको पहिलो सांगीतिक कोसेली गीति संग्रह ‘सेन्मी’ विमोचन गरिएको छ।
कोभिडको बढ्दो कारण र प्रविधिलाई सदुपयोग गर्दै नेपाली इतिहासमै पहिलोपटक भर्चअुल माध्यमबाट म्युजिक नेपालको स्टुडियोमा गीति संग्रह ‘सेन्मी’को बिमोचन गरिएको हो।
प्रसिद्ध संगीतकार शुभबहादुर सुनाम ,बरिष्ठ संगीतकार सुरेश अधिकारी , लोकप्रिय गायक एवं म्युजिक नेपालका बिजनेस हेड राजिव लोहनी र गायक विशाल राईले संयुक्त रुपमा गीति संग्रह ‘सेन्मी’को बिमोचन गरेका थिए। ५ वटा गीतहरू संग्रहित ‘सेन्मी’ एल्बममा सुरेश अधिकारीको एकल शब्द रचना र संगीत रहेको छ भने महाराज थापाको एरेन्ज रहेको छ।
नारी , नपिलाउ ,निदै उडेर, तिमी गैगयौ,म त हजुर गीत समाबेश गीतहरू मध्ये ‘नारी’ गीतको म्युजिक भिडियो समेत कार्यक्रममा सार्वजनिक गरिएको थियो।
कार्यक्रममा गायक विशाल राईले एल्बममा समाबेश गीतहरू लाइभ गाएर दर्शकहरुलाई मनोरञ्जन गराएका थिए । गीति संग्रह ‘सेन्मी’लाइ म्युजिक नेपालले बजारमा ल्याएको हो।
तपाईंको ईमेल गोप्य राखिनेछ ।