|

काठमाडौं : भारतमा कोरोना संक्रमण अत्यधिक बढेपछि त्यहाँ विभिन्न पेशा व्यवसाय गरेर बसेका हजारौं नेपालीहरू स्वदेश फर्किरहेका छन्।  

नेपाल भारत सिमानाको नेपालगञ्जको जमुनाह नाकामा थेग्नै नसकिने गरी स्वेदश फर्किनेको भीड बढिरहेको छ। नेपालका विभिन्न जिल्लाबाट भारतको विभिन्न शहरमा रोजगारीका लागि पुगेका नेपाली नागरिकहरु कोरोना महामारीबाट बच्न फर्कने क्रममा जमुनाह नाकामा पुगेको हुन्।

नाकामा स्वेदश फर्किनेको संख्या हजारौं भएकाले प्रहरीलाई पनि हम्मेहम्मे परेको छ। व्यवस्थापनका लागि त्यहाँ खटिएको नेपाल प्रहरी र सशस्त्र प्रहरीलाई भीड सम्हाल्नै समस्या भैरहेको जमुनाह प्रहरी प्रमुख सई विष्णु गिरीले बताए। त्यस नाकाबाट दैनिक पाँचदेखि छ हजारको हाराहारीमा नेपाली स्वदेश फर्किरहेका छन्।  

जमुनाह नाकाबाट नेपाल प्रवेश गर्नेमा अधिकांश लुम्बिनी र कर्णाली प्रदेशका विभिन्न जिल्लाका नागरिक रहेका छन्। नेपालगञ्जमा ‘लकडाउन’ जारी गरिएकाले प्रहरीले बस व्यवसायीहरूसँग समन्वय गरी उनीहरूलाई नाकाबाट बसपार्कसम्म पुर्‍याइदिने र बसपार्कबाट आ–आफ्नो गन्तव्यतिर जाने व्यवस्था मिलाइएको वडा प्रहरी कार्यालय नेपालगञ्जका प्रमुख प्रहरी निरीक्षक डिल्लीबहादुर खड्काले जानकारी दिए। 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.