काठमाडाैं : नेकपा एमालेकी सांसद रामकुमारी झाँक्रीले एकमात्र विकल्प विद्रोह भएको बताएकी छिन्।
अध्यक्ष एवं प्रधानमन्त्री केपी शर्मा ओली र नेता माधवकुमार नेपालबीच भेटवार्ता भइरहेका बेला ट्वीट गर्दै उनले जनता लोकतन्त्र र संविधानको रक्षाका लागि आफूहरुको अगाडि एक मात्र विकल्प विद्रोह रहेको उल्लेख गरेकी हुन्।
उनले ओलीसँगको वार्तामा ठोस प्रस्ताव र लिखित सहमतिबिना अलमलमा नपर्न पनि माधव नेपाललाई सुझाएकी छिन्।
उनले आफूहरुको आत्मसमर्पणले कम्युनिष्ट आन्दोलन बिसर्जन गर्ने भन्दै सचेत हुन नेतृत्वको ध्यानाकर्षणसमेत गराएकी छिन् । झाँक्री समानुपातिक सांसद हुन्।
ठोस प्रस्ताव र लिखित सहमति बिना अलमलमा पर्नुहुन्न।आफूले संसद विघटन गरेको सहि थियो र छ भन्ने प्रमाणित गर्न प्रभुको ईशारमा यो सबै हुदैछ।जनता, लोकतन्त्र र संबिधानको रक्षाको लागि हाम्रो अगाडी एक मात्र बिकल्प हो बिद्रोह। हाम्रो आत्मसमर्पणले कम्युनिष्ट आन्दोलनको बिसर्जन गर्छ।सचेत बनौँ।
— Ram kumari Jhakri (@Jhakri_didi) May 13, 2021
तपाईंको ईमेल गोप्य राखिनेछ ।