बाँके : बाँकेमा कोरोना संक्रमणका कारण थप ११ जनाको मृत्यु भएको छ। भेरी अस्पतालमा ८ जना र नेपालगञ्ज मेडिकल कलेज कोहलपुरमा ३ जनाको मृत्यु भएको हो।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत नेपालगन्ज उपमहानगरपालिका ७ बाँकेका ५० वर्षीय पुरुष,बढैयाताल गाउँपालिका ६ बर्दियाका ५७ वर्षीय पुरुष , नेपालगन्ज २ का ५१ वर्षीय पुरुष र नेपालगन्ज १९ का ५७ वर्षीय पुरुषको कोरोनाबाट मृत्यु भएको छ।
यस्तै भेरी अस्पतालमा नै उपचाररत रहेका गुर्भाकोट १३ सुर्खेतका ६८ वर्षीय पुरुष, नेपालगञ्ज १० की ६२ वर्षीया महिला, तुलसीपुर १३ दाङका ५० वर्षीय पुरुष र खजुरा २ बाँकेका ८५ वर्षीय पुरुषको कोरोनाबाट मृत्यु भएको हो।
त्यस्तै नेपालगञ्ज मेडिकल कलेज कोहलपुरमा उपचाररत रहेका उत्तरगंगा १० रुकुम पूर्वका ६० वर्षीय पुरुष, शिवराज ५ कपिलवस्तुका ३८ वर्षीय पुरुष र मधुवन ७ बर्दियाका ६५ वर्षीय पुरुषको मृत्यु भएको छ। योसँगै बाँकेमा कोरोना भाइरस संक्रमणका कारण हालसम्म उपचारका लागि आएका जिल्ला बाहिरका २०० जना र जिल्लाकै २४५ जनाको मृत्यु भइसकेको छ।
तपाईंको ईमेल गोप्य राखिनेछ ।