काठमाडौं : नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन्।
शनिबार दिउँसो २ बजे बूढानीलकण्ठस्थित आफ्नै निवासमा बैठक बोलाएका हुन्। बैठकमा पार्टीको महाधिवेशन र समसामयिक राजनीतिक बिषयमा छलफल हुने सभापति देउवाका सहयोगी भानु देउवाले जानकारी दिए।
कांग्रेसले आगामी भदौमा गर्ने गरी पार्टीको महाधिवेशन तय गरेको भए पनि कार्यतालिका भने प्रभावित भएको छ। कोरोना महामारीका कारण पार्टी महाधिवेशनको कार्यतालिका प्रभावित भएपछि सभापति देउवाले यस बिषयमा छलफल गर्न बैठक बोलाएका हुन्।
पार्टीको महाधिवेशन समयमै गर्न सभापति देउवालाई नेताहरुले दबाब दिईरहेका छन् भने, संविधानतः आगामी भदौमा महाधिवेशन नभए कांग्रेसको वैधानिकतामा पनि प्रश्न उठ्ने देखिन्छ।
यसअघि कांग्रेसका आधा दर्जन बढी केन्द्रिय सदस्यहरुले बैकल्पिक माध्यामबाट भएपनि भदौमा महाधिवेशन गर्नका लागि पहल कदमी लिन सुझाव दिएका थिए । देउवाले यसअघि आफू पार्टीको महाधिवेशन गर्न प्रतिवद्ध रहेको समेत दाबी गरेका थिए।
तपाईंको ईमेल गोप्य राखिनेछ ।