गोरखा : खेतमा जोतेर फर्कने क्रममा लडेर एक पुरुषको मृत्यु भएको छ। बुधबार विहान भिमसेन थापा गाउँपालिका ६ स्थित अश्राङ खोलामा ३९ वर्षीय राजकुमार श्रेष्ठ लडेका थिए। उनी सहिद लखन गाउँपालिका–८ छापथोकका रहेको वडाअध्यक्ष काशीनाथ अंगाईले जानकारी दिए।
‘खेत जोत्दाजोत्दै घाम चर्किएपछि गोरु फुकाएर चराउन गएको र घर फर्कने क्रममा खोलाको दलदलेमा खुट्टा अड्किएर लड्दा मृत्यु भएको अनुमान गरिएको छ,’ वडाध्यक्ष अंगाईले भने, ‘अनुहारमा चोट देखिएको छ। पोष्टमार्टमका लागि गोरखा अस्पतालमा शव लगिएको छ।’
तपाईंको ईमेल गोप्य राखिनेछ ।