काठमाडौं : देशभर ५ महिनामा विभिन्न प्राकृतिक विपद्का १ हजार ८ सय ७५ घटना भएका छन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ०७८ वैशाख १ गतेदेखि असोज १४ गतेसम्म २ सय ६५ पहिरो गएका छन्।
१ सय २२ घटना बाढीले घटाएको छ। अविरल वर्षा ३ सय १९ पटक परेको छ। त्यस्तै, १ सय ७१ घटना चट्याङ परेर भएको छ। २० भन्दा बढी सर्पले टोकेका घटना भएका छन्।
देशभर ५ महिनामा ७ सय ४० आगलागी भएको छ। डढेलो ६२, हावाहुरी ३४ र जनावरबाट १ सय ४२ घटना भएको प्राधिकरणले उल्लेख गरेको छ।
२ सय ४३ जनाको मृत्यु, ४१ बेपत्ता
५ महिनामा भएका विभिन्न घटनामा २ सय ४३ जनाको मृत्यु भएको छ भने ४१ जना बेपत्ता भएको प्राधिकरणले जनाएको छ। ५ सय १९ जना घाइते भएका छन्।
प्राधिकरणको सार्वजनिक गरेको तथ्यांकअनुसार बाढीले ४० जनाको मृत्यु भएको छ भने ३२ जना अझै बेपत्ता छन्। १३ जना घाइते भएका छन्।
पहिरोबाट पुरिएर ८० जनाको मृत्यु भएको छ। ८ जना बेपत्ता भएका छन् भने ९१ जना घाइते भएका छन्।
अविरल वर्षाले १६ जनाको मृत्यु भएको छ भने ३५ जना घाइते भएका छन्।
चट्याङबाट ४८ र आगलागीबाट १६ को मृत्यु
चट्याङबाट ४८ जनाको मृत्यु भएको छ भने १ सय ५४ जना घाइते भएका छन्। सर्पको टोकेर १७ जनाको मृत्यु भएका छ भने ४ जना घाइते भएका छन्।
त्यस्तै, आगलागीले १६ जनाको मृत्यु भएको छ भने १ सय ३० जना घाइते भएका छन्। डढेलोबाट ३ जनाको मृत्यु भएको छ र १ जना घाइते भएका छन्।
हावाहुरीबाट १ जनाको मृत्यु भएको छ भने १ जना अझै बेपत्ता छन्। १ जना घाइते भएका छन्।
जनावरको आक्रमणबाट २२ जनाको मृत्यु भएको छ भने ८७ जना घाइते भएको प्राधिकरणले जनाएको छ।
यी सबै घटनाबाट २ हजार ४ सय १८ घरपरिवार प्रभावित भएका छन्।
(पूरा घटना विवरण)
स्रोत : राष्ट्रिय विपद् जोखिम न्यूनीकरण तथा व्यवस्थापन प्राधिकरण
तपाईंको ईमेल गोप्य राखिनेछ ।