बैतडी : बैतडीमा जन्ती बोकेको जिप दुर्घटना हुँदा ४ जनाको मृत्यु भएको छ।
देहिमाडौंबाट जन्ती बोकेर सीमायलतर्फ गइरहेको म १ ज ३१० नम्बरको जिप राति करिब साढे ८ बजे दशरथचन्द नगरपालिका-४ को कलुवाडमोडमा दुर्घटनामा परेको हो।
दुर्घटनामा ४ जनाको घटनास्थलमै मृत्यु भएको बैतडीका निमित्त प्रहरी प्रमुख बोधराज ओझाले जानकारी दिए।
उनले भने, ‘कम्तीमा ४ जनाको मृत्यु भएको छ, थपिन पनि सक्छ, अहिले उद्धारमै छौं।’
दुर्घटनामा ३ जना सिकिस्त छन्।
मृतक र घाइतेको परिचय खुलेको छैन। मृतकका शव र घाइतेलाई जिल्ला अस्पताल लगिएको छ।
जिप सडकबाट करिब ७ सय मिटर तल खसेको उद्धारका लागि घटनास्थलमा खटिएका प्रहरी निरीक्षक दर्शन खड्काले जानकारी दिए।
दुर्घटनाको कारण खुल्न सकेको छैन भने विस्तृत विवरण पनि आउन बाँकी छ।
तपाईंको ईमेल गोप्य राखिनेछ ।