काठमाडौं : सुनचाँदी बजारमा आज छापावाल सुनको मूल्य प्रतितोला रु ९२ हजार ३०० तोकिएको छ। अघिल्लो दिन प्रतितोला ९३ हजार ९०० रुपैयाँमा कारोबार भएको सुन आज प्रतितोला एक हजार ६०० ले घटेको हो।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार तेजाबी सुनको आजको मूल्य प्रतितोला ९१ हजार ८०० कायम भएकोमा सोमबार प्रतितोला ९३ हजार ४०० पुगेको थियो।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ रुपैयाँले घटेर एक हजार २५५ तोकिएको महासङ्घले जनाएको छ।
अन्तरराष्ट्रिय बजारमा आज सुन प्रतिऔंस एक हजार ८०८ डलर आसपासमा कारोबार भइरहेको छ।
तपाईंको ईमेल गोप्य राखिनेछ ।