दाङ : लुम्बिनी प्रदेशमा राष्ट्रियसभा सदस्यका लागि भएको मतदान सकिएको छ।
प्रदेश निर्वाचन कार्यालय दाङका अनुसार ३ बजेसम्म २ सय ९४ जनाले मतदान गरेका थिए।
प्रदेशमा प्रदेशसभा सदस्य र स्थानीय तहका गरी २ सय ९६ जना मतदाता रहेका थिए।
तीमध्ये प्रदेशसभामा ८१ जना मतदाता रहेकोमा सबैले मतदान गरेको कार्यालयले जनाएको छ।
त्यस्तै स्थानीय तहतर्फ २ सय १५ जना रहेकोमा २ सय १३ जनाले मतदान गरेका छन्।
रूपन्देहीको रोहिणी गाउँपालिकाका अध्यक्ष सनोजकुमार यादव र बाँकेको नेपालगन्ज उपमहानगरपालिकामा मेयर डा. धवल शमशेर राणाले मतदान गरेका छैनन्।
उनीहरु दुवै जना राप्रपाबाट निर्वाचित भएका हुन्।
राप्रपाले प्रदेश १ मा बाहेक उम्मेदवार नभएका अन्य प्रदेशमा मतदान प्रक्रियामा सहभागी नहुन निर्देशन दिएको थियो।
तपाईंको ईमेल गोप्य राखिनेछ ।