बैतडी : बैतडीको सुर्नया नदीमा ४ दिनअघि मृत फेला परेका युवकको पहिचान हुन सकेको छैन। पाटन नगरपालिका ३, ४ र ६ को सीमाना सैन्देउ नजिकै नदी किनारमा अन्दाजी २५ वर्षीय युवकको शव माघ ९ गते फेला परेको थियो।
शव पहिचान हुन नसकेको बैतडीका प्रहरी प्रवक्ता, प्रहरी निरीक्षक दर्शन खड्काले जानकारी दिए। उनले भने, ‘हामीले मृतकको पहिचान खुल्ने गरी सञ्चारमाध्यम र सामाजिक सञ्जालमा राखिसकेका छौं, अहिलेसम्म कोही पनि सम्पर्कमा आएका छैनन्।’
परीक्षणपछि शव जिल्ला अस्पतालको शवगृहमा राखिएको छ।
मृतक युवकले रातो हुट, नीलो जिन्स पाइन्ट र कालो जुत्ता लगाएको र बायाँ हातको नाडीमा ट्याटु समेत रहेको प्रहरीले बताएको छ।
मृतक युवकको हुलियासँग कसैको आफन्तको हुलिया मिलेमा सम्पर्क गर्न पनि प्रहरीले आग्रह गरेको छ। शव पहिचानको काम र घटनाको थप अनुसन्धान भइरहेको जिल्ला प्रहरी कार्यालय बैतडीले जनाएको छ।
तपाईंको ईमेल गोप्य राखिनेछ ।