हेटौंडा : मकवानपुर प्रहरीले अवैध लागुऔषध खैरो हेरोइन र नाइट्रोभेटसहित ३ जनालाई पक्राउ गरेको छ।
प्रहरीले हेटौंडाको छुट्टाछुट्टै स्थानबाट ६ ग्राम ७ सय ५० मिलिग्राम अवैध लागुऔषध खैरो हेरोइन र १३ ट्याब्लेट नाइट्रोभेटसहित ३ जनालाई पक्राउ गरेको हो। जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा–२ सडकखण्डमा ना ४३ प ६८५१ नम्वरको मोटरसाइकलमा अवैध लागुऔषध खैरो हेरोइन बोकेर हिँड्ने दुईजनालाई पक्राउ गरेको जनाएको छ।
उनीहरूको साथबाट प्रहरीले २ ग्राम ७ सय ५० मिलिग्राम अवैध लागुऔषध खैरो हेरोइन फेला पारेको थियो। पक्राउ पर्नेहरूमा हेटौंडा–१५ का २३ वर्षीय राजेश खाती र हेटौंडा–३ को २० वर्षीया आयुशा ठकुरी रहेका छन्।
यस्तैगरि प्रहरीले हेटौंडा–१५ रातोमाटेमा जाँच गर्ने क्रममा प्र.३–०२–००६ प २६१४ नम्बरको मोटरसाइकलमा ४ ग्राम लागुऔषध खैरो हेराइन बोकेर हिँड्ने एक जनालाई पक्राउ गरेको छ। पक्राउ पर्नेमा हेटौंडा–१४ का २९ वर्षीय बलराम गुरुङ रहेका छन्। उनको साथबाट १३ ट्याब्लेट नाइट्रोभेटसमेत फेला परेको प्रहरीले जनाएको छ।
तपाईंको ईमेल गोप्य राखिनेछ ।