डडेल्धुरा : प्रधानमन्त्री शेरबहादुर देउवाले स्थानीय निर्वाचनमा मतदान गरेका छन्। गृहजिल्ला डडेल्धुराको गन्यापधुरा गाउँपालिका–१ रूवाखोला स्थित असिग्राम मावि मतदान केन्द्रमा मत खसालेका हुन्।
धनगढीबाट हेलिकप्टरबाट आएर यहाँ बिहान ९ बजेर ५५ मिनेटमा मतदान गरेका हुन्। देउवाले यसै विद्यालयबाट प्रारम्भिक शिक्षा हासिल गरेका थिए। २००३ सालमा जन्मिएका देउवाले कक्षा ३ सम्मको प्रारम्भिक शिक्षा तत्कालीन असिग्राम प्राविबाट लिएका थिए।
कक्षा ८ सम्म डडेल्धुरा सदरमुकामको महेन्द्र माविमा पढेका देउवाले कक्षा ९ र १० सम्मको पढाइ डोटीको जिजोडामाडौं उचाकोटमा रहेको सिताराम माविमा पूरा गरेका थिए।
२०१९ सालमा एसएलसी पास गरेपछि देउवा उच्च शिक्षा अध्ययनका लागि काठमाडौं आएका थिए।
तपाईंको ईमेल गोप्य राखिनेछ ।