मकवानपुर : चितवनको भरतपुर महानगरको प्रमुखमा सत्ता गठबन्धनका उम्मेदवार रेनु दाहालले अग्रतालाई फराकिलो बनाउँदै लगेकी छन्।
निर्वाचन अधिकृतको कार्यालय चितवनले सार्वजनिक गरेको पछिल्लो परिणामअनुसार रेनुको एमाले उम्मेदवार विजय सुवेदीभन्दा ९ हजार ६ सय ३१ मतको अग्रता छ।
एक लाख ३ हजार ५ सय २७ मत गणना हुँदा रेनुले ४२ हजार ४ सय ५३ मत प्राप्त गरेकी छन्। विजय सुवेदीले ३२ हजार ८ सय २२ मत प्राप्त गरेको छन्। यस्तै स्वतन्त्र उम्मेदवार जगन्नाथ पौडेलले १३ हजार २ सय ६ मत पाएका छन्।
उपमेयरमा भने कांग्रेसका उम्मेदवार चित्रसेन अधिकारी ४४ हजार ९७ मत प्राप्त गर्दा, राप्रपाकी हिमला गुरुङले २५ हजार ९ सय ९९ मत पाएकी छन्।
तपाईंको ईमेल गोप्य राखिनेछ ।