बझाङ : राष्ट्रिय प्रजातन्त्र पार्टी बझाङमा किचलो उत्पन्न भएको छ। राष्ट्रिय प्रजातन्त्र पार्टी बझाङमा दुई धार बनेर एक अर्कालाई कारबाही सुरु गरेका छन्।
हिजो राष्ट्रिय प्रजातन्त्र पार्टी बझाङका अध्यक्ष धीरज विक्रम सिंह, कर्णबहादुर खड्का लगायतको पक्षले ९ जना पार्टी प्रतिनिधिलाई कारबाही गरेको बताइएकाे छ।
आज फेरि संस्थापन पक्ष भनिने सहअध्यक्ष विश्वप्रकाश जेठारा, पार्टी सल्लाहकार लालबहादुर खड्का, पार्टी सचिव जनकबहादुर ओली, कोषाध्यक्ष सुरत बहादुर च्वाँन लगायतकाे बैठक बसी उल्टै पार्टी अध्यक्ष धिरज विक्रम सिंह र राप्रपाबाट जयपृथ्वी नगरपालिकाका मेयरका उम्मेदवारसमेत बनेका कर्णबहादुर खड्कालाई कारबाही गरी मुद्दासमेत दर्ता गरेका छन्।
पार्टी अध्यक्ष धिरज विक्रम सिंह र राप्रपाबाट जयपृथ्वी नगरपालिकाका मेयरका उम्मेदवारसमेत बनेका कर्णबहादुर खड्कालाई संस्थापन समूह कमल थापा पक्षका रहेको आरोप लगाएको छ।
तपाईंको ईमेल गोप्य राखिनेछ ।