काठमाडाैं : धरान उपमहानगरपालिकाका नवनिर्वाचित मेयर हर्क साम्पाङले जनतालाई झाडुसहित उपस्थित हुन आह्वान गरेका छन्।
धरानमा फोहोर थुप्रिएको र यसलाई सफाइ गर्दै सरसफाई अभियानलाई सुरुवात गर्ने उनले जनाएका छन्।
फेशबुकमा स्टाटस लेखेर अभियानको बारेमा उनले जानकारी दिएका हुन्।
उनले लेखेका छन्, 'भोलि दिनको ३ बजे भानुचौकमा झाडु लिएर आउनु होला ! भानु चौक वरिपरि सफाइ गरौँ ! आइन्दा बाटोमा फोहोर फाल्न नहुने नियम लागु गर्न गराउन सहयोग गर्नु होला ! जय धरान !'
स्वतन्त्रबाट मेयर जितेका साम्पाङले सरल तरिकाले सिर्जनात्मक काम गर्दै परिवर्तन ल्याउने अभियान सुरु गरेका छन्। यस्तै कामहरूबाट उनी दिन प्रतिदिन चर्चामा आइरहेका छन्।
तपाईंको ईमेल गोप्य राखिनेछ ।